Россиясь веши полавтомат!

Минек путовксонок

«Яблоко» партиянть прявтонь путовксозо конституциянь китнень-янтнэнь вельде теемс-кепетемс правовой демократической социальной неень шкань государства, конань вельде эрязасто касы-кепети Россиясь ды кона свал ашти ломантнень тевест-арсемаст кис.

Мезень кис минь мольтяно Думантень?

«Яблоко» партиясь моли парламентэнтень ломантнень мелест-арсемаст невтемга ды сеть лувтнень кис аштемга, конат малавгавтыть масторонть те путовксонть марто.

Мезенть каршо минь кортатано-аштетяно?

Властенть ды бизнесэнть вейс педямост каршо. Минь кеместэ вештяно:

  • весе стякодо «андомань таркатнень», конатнень вельде модань сюпавчитнень миемадонть мейле ярмактне понгонесть олигархтнень ды чиновниктнень зепес, пекстамонть;
  • бизнесментнэнень ды сынст малавикс раськетненень государственной важодемань таркатнес а нолдамонть;
  • офшорсо сёрмадстозь компаниятнень пельде налогонь вешемань эрявикс тев-лув; залогонь аукционтнэсэ ярмаконь ды лия таштавксонь кирдицятнень-саицятнень компенсационной налогсо вельтямонть.

Коррупциянть каршо. Минь кеместэ вештяно:

  • педе пес кемекстамс коррупциянтень каршо аштемга ООН-нь Конвенциянть 20-це статьянзо, косо кортави ули-паронь таштавксонь теемань китнеде-янтнэде ёвтнеме а снартниця чиновниктнень чопода тевест лангс ливтемадонть ды эрявикс питнень тенст максомадонть;
  • педе пес ванномс чиновниктнень декларацияст ды панемс государствань важодема таркатнестэ сетнень, кить а снартнить ливтемс лангс ды тевсэ-валсо кемекстамс эсест ули-парост таштамонь китнень-янтнэнь;
  • а совавтомс чиновниктнень ды депутаттнэнь государствань тев марто компаниятнень директоронь советтнэс.

Масторонь эрицятнень маштомачист тевс нолдтнемань а вейкетьксчитнень каршо. Минь кеместэ вештяно:

  • ловомс чиновниктнень ды депутаттнэнь весемень марто вейкетекс эрямонь-аштемань, ормань менстямонь таркатнесэ, транспортсо ды лиясо-косо, а меремс «сэнь тол» марто ардтнеме;
  • вейкелгавтомс чиновниктнень ды лия эрицятнень пенсиянь коряс; нардамс покш ды вишкине бизнестнэнь ютксо явовкстнэнь.

Раськень-чачомань коряс а вечкеманть каршо. Минь кеместэ вештяно:

  • раськень-чачомань коряс а вечкеманть кисэ аштицятнень чопода тевест лангс ливтеманть ды сынст сёвноманть;
  • средней школатнень программазост раськетнень ютксо сюлмавкстнэде уроктнень совавтомась.

Тоталитаризманть ды сталинизманть каршо. Минь кеместэ вештяно:

  • сталинэнь ды большевиктнень репрессиятнень кис аштицятнень тевест а шнамонть;
  • икельксэнь тоталитарной тевтнень-мельтнень тевс а нолдамонть коряс государственной программанть кемекстамонзо.

Мезень кис минь тюртяно?

Ломантнень ды эряцятнень олячинь ды эрямонь лувонь кирдиця неень шкань государстванть кис

Эрьванть эрямонь лувонзо ды лиядо а пелеманзо кис

  • эрьванть эрямонзо лиянень а невтеманть кис: телефонсо кортамотнень, сёрмань сёрмадоманть, эрямонь тарканть;
  • эрьванть олячинзэ ванстоманть кис;
  • правань ванстыця органтнэнь эрицятнень коряс аволь виде тевест лангс ливтеманть кис;
  • олячинь кардыця таркатнесэ аштицятнень маштовикс эрямонть-кирдеманть кис.

Эрицятнень эрямонь лувост кис

  • ломанень эрьва кодамо промксонь теемань-ютавтомань ёвтазь лувонть кис;
  • цёратнень ды аватнень вейкеть эрямонь лувост кис, аватнень ванстоманть кис;
  • аволь коммерческой вейсэндявкстнэнь теемань ды важодемань олячист кис;
  • массовой информациянь средстватнень олясто кортамост-сёрмадомаст кис;
  • раськень-чачомань вейсэнь оля телевидениянь тееманть кис.

Демократиянть кис

  • кочкамотнень коряс манчемань а нолдамонть кис, сынст эйсэ администрациянь ресурсонть тевс нолдамонть кис;
  • кочкамонь комиссиятнень теемстэ весе партиятнень важодемаст кис;
  • политической партиятнень шожда сёрмадстомаст кис;
  • закононь теиця весе промкстнэсэ политикань партиятнень туртов лисезь вайгельтнень 3% алкалгавтоманть кис.

Мезеяк лангс а ваныця объективной судонть кис

  • судонь «микшнемадонть» ды аволь видестэ теемадонть эйстэ пиштицятнень олякстомтомаст ды чумокс а ловомаст кис;
  • аволь видестэ чумондыця судьятнень чопода тевест лангс ливтеманть кис;
  • судейской корпусонть педе пес одкстомтоманть кис;
  • спецслужбатнень ды виень структуратнень мельга эрицятнень ванноманть кис;
  • ФСБ-нь, ФСО-нь, полициянь ды виень лия структуратнень тевтеемаст аволь видестэ келейгавтомадонть законтнэнь ды акттнэнь лоткавтомаст кис;
  • парламентэнть ды эрицятнень вейсэндявкстнэнь ёндо контроленть ды ванноманть кис.

Виев федерализманть ды национальной политиканть кис

  • Федерациянь субъекттнэнь эрицятнень вельде Федерациянь Советэнь пелькстнэнь кочкамонть кис;
  • РФ-нь субъекттнэнь исполнительной властень прявттнэнь кочкамонть кис;
  • геополитической пелемань, экологиянь кажонь ды аволь ванькс кошт марто эрямонь таркатнень государстванть ёндо башка мелень явоманть кис;
  • государстванть ёндо кельтненень (эрзянь, мокшонь, татаронь ды лиятненень) ды Россиянь эрицятнень культурантень башка мелень явоманть кис; Россиянь эрицятнень кельсэ газетань, журналонь нолдамонть, телевидениясо кортамонть кис;
  • национальной республикатнесэ тиринь кельсэ вадря содамочинь максоманть-таштамонть кис. Россиянь весе таркатнесэ средней школатнесэ тиринь келенть ды литературанть тонавтнемаст кис.

Таркасо вадря самоуправлениянть кис

  • «верде» валгстозь законтнэнь мекев ванкшноманть кис;
  • ули-паронь налог вельде таштавкстнэнь таркас максоманть кис.

Профессиональной армиянть кис

  • контрактонь коряс важодиця армиянтень ютамонть кис;
  • военнослужащейтненень эрямонь таркань максомань ды ярмаконь-мезень кепедеманть кис; пенсиянь видестэ явномань кис;
  • армиянть ламочинзэ ды техникасо пештеманзо витнеманть кис.

Виев внешней политиканть кис

  • масторонть а явовиксэкс тееманзо ды сэрцек мастортнэнь марто ояксчисэ эрямонть кис;
  • Европань мастортнэнь ды Европань вейсэндявксонть марто Россиянть вейсэнь тевест кирдемань кемекстамонть кис, визатнень аэрявиксчист кис;
  • масторонь эрицятнень эрьва кодамо вейсэндявкстнэсэ ды конвенциятнесэ, конатнень нормативест ды стандартост эрявить масторонть икелев молеманзо туртов, Россиянть тевензэ-мелензэ келейгавтоманть кис.

Социальной рыночной экономиканть кис

Эрьванть таштавксонзо а токшемань кис

  • эрьва азоронть миноритарной акционертнэнь, эрямо таркань, модань явовксонь азортнэнь ды лиятнень  мелест-тевест ванстоманть кис;
  • ули-паронть ды таштавкстнэнь сёрмадстоманть шождалгавтоманть кис.

Конкуренциянть кис

  • кода естественной монополиятнень покш ютавтовксонь теемга вейкине механизма пачк невтиця микшнематнень кис;
  • корпоративной ютавтовкстнэде естественной монополиятнеде информациянть Интернетсэ тешкстамонть кис;
  • административной пирявксонь теемань ды предпринимательтнень лангс лепштямонть коряс сёвноматнень виевгавтоманть кис;
  • монополиятнень тарифтнень теемань процедуранть пачк неявиксэкс тееманть кис.

Од экономической политиканть ды сырьевой зависимостенть лоткавтоманть кис

Россиянь экономиканть пек эрязасто кастомга минь теинек «Модась-кудотне-китне» индивидуальной частной кудонь весемень путомань-кепетемань программа. Течи уш Россиясь анок максомс эрьва эрицянтень путомс-кепетемс кудо эсензэ моданзо лангсо эстензэ ды эйкакшонзо туртов. Минь ловтано теевиксэкс ды эрявиксэкс ломантненень стякодо модань максоманть раськень кудонь путомга-стявтомга. «Модась-кудотне-китне» программанть пельде минь учотано:

  • ломантненень кудонь путомга-стявтомга стякодо модань максоманть, экономиканть пек эрязасто-виевстэ касоманть, кона максы ламодояк ламо од важодемань таркат кудонь путомань-стявтомань тевсэнть;
  • государстванть марто ве лувсо максозь модатнень лангсо кинь тееманть, газонь, электричествань, ведень ветямонть.

Вишкине ды куншкань бизнесэнть алкуксонь кирдеманть-келейгавтоманть кис

  • государствань аволь бюджетэнь фондтнэс страховой пандовкстнэнь алкалгавтоманть кис;
  • льготной кредитованиянь системанть тееманть кис;
  • «народонь рынкань» тееманть кис: вишка бизнесэнь кооперативтнень туртов рынкань теемга модань рамамонь мереманть кис;
  • арендас максозь муниципальной помещениятнень ды сынст ало модантьрамамонь мереманть кис;
  • бизнесэнть туртов, покштонть ды сырьевойденть башка, налогонь алкалгавтоманть кис.

Социальной явовоманть вишкалгадоманзо кис

  • потребительской паргонть пештевксэнзэ кепедеманть кис;
  • важодемань кис минимальной пандовксонь куншкавидень пандовксонть 50% видьс кастоманть кис;
  • сырьевой ресурстнэнь миемстэ лисезь таштавкстнэнь вельде сыретнень Фондонь тееманть кис;
  • пенсиятнень ды социальной лезкстнэнь касомаст кис;
  • инвалидностень коряс лезкстнэнь касомаст кис, сынест важодемань таркань максоманть кис.

Важодемань праватнень максоманть кис

  • каршо молемань промксонь ютавтомань праватнень кис;
  • наёмной важодемань кардамонть кис;
  • оля профсоюзонть тееманть кис, профсоюзонь ветицятнень важодемстэ панеманть а меремань кис.

Ломанень капиталс инвестициятнень кис

Тонавтнеманть касоманзо-кепетеманзо кис

  • стякодо средней ды аволь питней высшей образованиянть кис;
  • эйкакшонь кужотнень ламолгавтомаст кис, эрьва эйкакшонтень таркань муемань кис;
  • эйкакшонь кужотнесэ, школатнесэ, профессиональной ды высший тонавтнемань таркатнесэ тонавтыцятнень важодемань кис ярмаконь пандомань кепедеманть кис;
  • тонавтнемань таркатнесэ коммерциянь тевтнень ды коррупциянть лоткавтоманть кис.

Шумбрачинь ванстомань тевтнень вадрялгавтоманть ды малавгавтоманть кис

  • стякодо шумбрачинь ванстоманть-раштамонть кис;
  • ормань менстиця важодицятнень пандовксост кастоманть кис;
  • эрицятнень шумбрачинь ванстомань коряс стякодо ванномась-кортнемась;
  • омбо масторсто сакшныця ормаменькстнэнь лангс питнетнень алкалгавтоманть кис.

Науканть кирдеманзо-кепетеманзо кис

  • содыйтнень интеллектуальной тевест-валост саламодо ванстоманть кис;
  • од содыйтнень государстванть ёндо кирдеманть-лездамонть кис;
  • наукань ванноматнень-тонавтнематнень туртов омбо масторсто сакшныця техниканть лангс питнетнень алкалгавтоманть кис.

Россиянь культурантень эрицятнень малавгавтоманть кис

  • культурас ды искусствас ярмаконь нолдамонть кис;
  • культурань таркатнень эрицятненень малавгавтоманть ды питнетнень алкалгавтоманть кис;
  • государствань средстватнень вельде од ломантнень культурас совавтоманть кис.

Пертьпельксэнть ваньксчинзэ кис

  • экологиянь Министерстванть тееманть кис;
  • государствань экологиянь экспертизань институтонть тееманзо-кепедеманзо кис;
  • ядерной ташто уштомапелень омбо масторсто а нолдамонть, од АЭС-нь а теемань, таштотнень тевстэ ливтемань кис.

«ЯБЛОКО» партиясь максы Россиянь эрицятненень истямо программа, кона ливтьсы минек масторонть валдо ки лангс. Те киванть мольсть ды молить весе мастортнэ, конат XXI пингень ушодомс кузсть ломантнень вадрясто эрямонь коряс модамасторонть лангсо сехте верце таркантень.

Минек масторось течи ашти кочкамотнень икеле:

  • или сон XXI пингстэ сырги касомань киванть,
  • или сон седе товгак карми аштеме вейке таркасо, валгстови колмоце мастортнэнь юткс ды кадови истямокс XXI пингень куншкас.

Те кочкамонть течи теема тыненк, мельвановикс кочкицят!